PONTIANAK: Siku indu kempang nguji mai dadah bansa syabu 20 gram pemerat ngagai Rumah Jil (Rutan) Mempawah ditu, kena Hari Tiga tu tadi.

Indu beumur 36 taun nguji ngasuh staf ke gawa saru enggau nyimpan dadah nya dalam buah sibau.

“Endang amat siku indu udah ditan ditu kena 4 March tu tadi ketegal nguji mai dadah bansa syabu ngena chara belalai ti ditepu dalam buah sibau ngagai Rutan Mempawah,” ku Direktor Pansik enggau Penyalah Narkotik, Opis Polis Kalimantan Barat, Gembong Yudha.

Gembong madahka indu nya sengaja mai dadah chara belalai ke dalam jil ngambika diberi ngagai laki iya empu.

Piak polis nerima penerang tumu ari komuniti ti diterima tim Subdit 2 Ditresnarkoba.

Berindik ari penerang nya, tim Subdit 2 Narkoba Polda Kalbar bejalaika pengawa matau enggau mansik.
Gembong madah, sida deka bejalaika pansik silik ari ni penatai dadah enggau chara dikena ngemai dadah tu.

“Ambika chunto, meresa sida ke gawa kunterik enggau nyidi ari ni penatai dadah bansa syabu tu,” terang iya.