KUCHING: Bisi 21 buah sekula sekondari di Sarawak mujur nyapai Gred Purata Sekolah (GPS) 4.00 enggau ke baruh ba penyulut peresa Sijil Pelajaran Malaysia (SPM) 2019.

Direktor Opis Pelajar Nengeri Sarawak (JPNS) Dr Azhar Ahmad madahka penyulut nya niki enti dibandingka enggau taun 2018 ke alai GPS ba taun nya semina ngerikodka 19 buah sekula aja.

“GPS nya niki enggau penyampau 10.53 peratus,” ku iya.

Dr Azhar madah munyi nya lebuh bejaku ba pengawa mantaika pemutus SPM Taun 2019 di Auditorium JPNS ditu, pagi tadi.

Nangkan nya ku iya, entara sekula sekondari ti nyapai gred tinggi di Sarawak iya nya Sekula Sekondari Sains Kuching Utara, Padawan enggau GPS 1.91.

Penyampau nya ditangkan enggau Sekula Sekondari Sains Miri (2.04), SMK St Elizabeth, Sibu (2.42), SMK Sacred Heart, Sibu (2.80) enggau Kolej Datuk Patinggi Abang Haji Abdillah, Kuching enggau GPS 2.83.

Udah nya, Sekula Sekondari Sains Kuching, Padawan mujur ngerikodka GPS 3.02, SMK Methodist, Sibu (3.04), Kolej Tun Datu Tuanku Haji Bujang, Miri (3.06), SMK Tiong Hin, Sibu (3.09), SMK Agama Tun Ahmad Zaidi, Kuching (3.09) enggau SMK St Anthony, Sarikei (3.23).

Kelimpah ari nya, SMK Tung Hua, Sibu (3.34), SMK Tinggi Kuching, Kuching (3.51), SMK St Joseph, Miri (3.51), SMK Kubong, Limbang (3.53),SMK Agama Miri, Miri (3.59), SMK Agama Sheikh Haji Othman Abdul Wahab, Padawan (3.73), SMK Deshon, Sibu (3.74), SMK Chung Cheng, Sibu (3.81), SMK Tinggi Sarikei, Sarikei (3.89) enggau Sekula Seni Malaysia Sarawak, Kuching (3.92). (Berita penuh dipansut ba surat kabar pagila)