BETONG: Siku pengajar Kolej Vokasional (KV) Betong tekenyit tepedaka siku ular sawa ti ‘nganjung diri’ ngagai dewan makai sekula lebuh iya benung kiruh ngaduka pemakai bala nembiak ungkup merarau.

Kenu ku Pemesai Penyaga Orang Periman Pelilih Betong Kapten Usman Harto, piak sida dipadah urung 12.00 tengah hari lalu raban sida terus ngesah palan nya.

“Pengudah datai dia sida tepedaja siku ular sawa endang udah dalam dapur dewan makai.

“Ular 15 kaki pemanjai nya ditemu ba belakang peti ais.

“Laban ke endang landik ngereja pengawa nya, dia raban kami nadai penanggul nangkap ular nya dalam timpuh 15 minit,” ku iya madah nengah sebengkah penerang, lemai tadi.

“Ku iya, operasyen nya tembu urung 12.33 tengah hari lalu ular nya diatu udah diengkah dalam Sangkar Bilik Operasyen Opis APM seraya nganti disua ngagai opis Perhilitan tauka dilepas baru ngagai babas.