KUCHING: Kepala Menteri Datuk Patinggi Abang Johari Tun Openg besemayaka siti polisi ungkup orang indu nyema iya agi mengkang ngiring nengeri tu udah tu ila.

Kenu ku iya, bisi siti agi polisi deka dibantai dikena mantu orang indu tang nya digalau dulu.

“Aku enda ulih madah ngambika kita mansik nama utai ke deka dibantu aku. Arapka perintah terus beretan.

“Enti kita mantai kami ni ulih kami ngaga, Tang enti kita terus ngasuh aku nyadi Kepala Menteri kita, arapka Allah aku ngemujurka nya,” ku
Abang Johari.

Iya madah munyi nya lebuh bejadika Sarawak Women X: Global Innovation Entrepreneurship beserimbai enggau Pengerami Hari Orang Indu ba Palan Aum Borneo Kuching, ditu pagi tadi.

Tandu iya, pengerami nya ngemataka mayuh bantu ari Perintah Sarawak diberi ngagai rayat nyengkaum orang indu enggau nya mega entara chara baru sereta ngelatih orang indu ba bidang pengawa dagang.