KUCHING: Orang indu patut ngembuan hak ke sama baka enggau orang lelaki.

Datuk Bandar Majlis Bandaraya Kuching Selatan (MBKS) Datuk Wee Hong Seng madah, baka ke ditemu kitai, penyampau tubuh orang indu mayuh agi ari orang lelaki ba dunya tu.

“Sida ukai semina udah meri mayuh jasa ngagai komuniti tang mega ngagai ruang bilik sida empu.

“Penyampau tubuh sida endang ditemu mayuh agi ari sida ke lelaki lalu nya kebuah sida patut diberi hak ke sama,” ku iya.

Hong Seng madah munyi nya lebuh dirandau pemberita pengudah pengawa nemuai seraya meri bungai ngagai bala pedaja bserimbai enggau Hari Orang Indu Entarabansa di Makit Stutong ditu, tadi.