GEDONG: Hak Sarawak patut diaku, undang-undang Sarawak ba hak minyak enggau gis meseti diaku lalu Gempung Parti Sarawak (GPS) enggai disengkaum begulai enggau Gempung Nasional (PN).

Tu tiga peminta ditetapka GPS nyadi kaban ba pengawa numbuhka Perintah Besai di baruh Menteri Besai Tan Sri Muhyiddin Yassin.

Ku Kepala Menteri ti mega Chairman GPS Datuk Patinggi Abang Johari Tun Openg madah, tiga peminta nya nyadika derian patut diberi Muhyiddin enti iya minta GPS nyadi kaban ba Perintah Besai.

“Tu mih penetap penemu kitai ke nerima peminta sida nyadi kaban ba Perintah Besai ti dipegai Muhyiddin.

“Iya minta ngena chara ti manah, nya kebuah kitai meseti nerima enggau manah,” ku iya.

Abang Johari mansutka jaku nya lebuh bejaku pengawa Townhall Berambeh Ngan CM Abg Jo di Dewan Terbuka Kampung Gedong beserimbai enggau pengerami Karnival Today For Tomorrow (T4T) diatur Sarawak Volunteers ditu tadi.