KUCHING: Menteri Pengintu Pengelantang Komuniti, Orang Indu, Ruang Bilik enggau Pemansang Anak Mit Datuk Seri Fatimah Abdullah udah ngatur pejalai nemuai basa ngagai Opis Menteri Pelajar Brunei, ditu kemari.

Tuju pejalai sida serak tu ngambi ngenegapka agi kaul kerejasama rat enggau pemereti ati ke tanggungpengawa pangan diri kelimpah ngaku pelajar dikena nempa modal mensia kelas satu.

Pejalai nemuai basa disempulang raban ari opis menteri iya udah betemu sereta berandau Menteri Pelajar Brunei Datuk Seri Awang Hamzah Sulaiman.

Sama datai mending enggau meri penemu ba randau nya Kepala Tinggi Malaysia di Brunei Nadia Azura.

Entara pekara bukai dibai lebuh berandau iya nya ngangauka bala pengajar enggau pengelicha ari Burnei nyereta Konvensyen Pelajar Prasekula Entarabansa ti keterubah diatur taun tu.

Konvensyen entarabansa nya deka diatur ba sebuah hotel tebilang ba Miri berengkah ari 11 ngagai 13 September ngena rambai jaku, Pekara Pemun Nempa Pemanah Ulah Modal Mensia.