SIBU: Parti Pesaka Bumiputera Bersatu (PBB) patut ngelepas abis nadai siti pangku pengawa menteri penuh lalu diberi ngagai Presiden Parti Demokratik Progresif (PDP) Dato Sri Tiong King Sing.

Pekara tu patut digaga dikena numbuhka tusun kabinet Gempung Nasional (PN) enggau Gabungan Parti Sarawak (GPS) ti mungkur semua ba renggat Perintah Besai.

Perambu tu dibantaika Presiden Parti Bumi Kenyalang (PBK) Voon Lee Shan ba aum pemberita ditu, tadi.

Ku iya, PBB patut bisi penetap penemu ti sebela enggau lurus gawa ba komponen sida dalam GPS.

“Tambah mega, Tiong endang patut megai pangku pengawa nyadi menteri penuh.

“Nyadi kaban Parlimen pengelama lima penggal, GPS enggau PN patut bebasaka iya ba pekara tu.

“Umbas endur Tiong enggau parti sida berunding baru penuduk diri dalam GPS,” ku Lee Shan madah nyemetak.