KUCHING: Pengawa ngatur program enggau aktiviti patut dikurang berindik ari pengerekai igi penyakit Covid-19 diatu.

Kepala Menteri, Datuk Patinggi Abang Johari Tun Openg madah, tu sebagi ari pengawa nagang igi penyakit nya ngerekai ke alai diatu nabanka nyawa 4,000 selampur dunya.

“Malam Hari Empat aku nerima berita bisi tiga kes positif Covid-19 ba Sarawak.

“Aku ngasaika kitai patut ngurangka agi pengawa ngatur program enggau aktiviti ngaul mensia mayuh,” ku iya.

Abang Johari mansutka jaku nya ba Gempuru Pengajar enggau Ketuai Silat Nengeri ditu, malam tadi.