KUCHING: Sarawak ngerikod dua kali lipat kes positif Covid-19 sehari tu dibanding kemari.

Chairman Komiti Penyangga Penusah Ngenyit Nengeri (JPBN), Datuk Amar Douglas Uggah Embas madah, bisi enam kes positif Covid-19 ba Sarawak sehari tu dibanding tiga kemari.

“Sehari tu (kemari) bisi enam nambah kes positif Covid-19 ba Sarawak ke alai penyampau pemadu baru bisi semilan kes.

“Dua kes ditemu ba Limbang seraya empat agi ba Kuching,” ku iya pengudah ngetuaika aum JPBN ditu, tadi.

Uggah ke mega Sapit Kepala Menteri nambah, semua pesakit diatu diperubat ba Sepital Besai Sarawak (SGH) kes di Kuching seraya Sepital Miri ungkup kes ari Limbang.