DEBAK: Kerejasama ari bala pedagang ti nutup palan dagang sida dipuji Kaban Kaunsil Nengeri (Adun) Saribas, Mohd Razi Sitam.

Iya madah, kerejasama ari sekeda pedagang (kedai kupi) ti nutup palan dagang sida ba Pasar Debak sehari tu tadi endang pengawa ke manah dikena nyeliahka pengerekai Covid-19.

“Pengawa baka tu mandang ke sida ngasi sereta meretika jaku gerah Kepala Menteri Datuk Patinggi Abang Johari Tun Openg apin lama bekaul enggau Atur Nagang Pejalai ngambi igi penyakit Covid 19 enda ngerekai ungkup peranak menua tu.”

“Enggau tu mega aku udah nginsil semua program ti udah dilanggur dalam kandang dua minggu berengkah sehari tu (18 nyentuk 31 Mac.”

“Entara program ke dikinsil iya nya Program Debak Uptown,Pemimpin Begulai Enggau Rayat enggau sekeda Aum.”ku iya.

Razi madah munyi nya pengudah matau Pasar Debak urung pukul 7.30 pagi tadi.