SARIKEI: Siku apai tuai diripotka lenyau dipelaba ditagup baya lebuh ngiga upa apung ba Sungai Mekam Sare, ditu tadi

Ketuai Opis Bomba enggau Penyah Penusah (BBP) Sarikei, PPgB Mahmudin Narudin madah, sida Lingai Rabong sebilik ngeripotka pengelenyau tudah ba Opis Polis Jakar, urung pukul 9 pagi tadi.

Ku iya, tudah Lingai dipadah nurun ngupa apung sebedau ditemu lenyau.

“Peranak dia mega bisi tetemuka utai dikena apai tuai nya ngupa ba tebing sebedau meda baya nabankan iya ngagai tengah Sungai Mekam.

“Udah nya, sida lalu beguai madahka penusah ke nyadi ngagai sida Lingai sebilik sebedau ngaga ripot ngagai Opis Polis Jakar,” terang iya.

“Bomba udah ngesah ngagai endur nya lalu bejalaika operasyen nyidi enggau nyelamat (SAR) tang nyentuk diatu, Lingai apin ditemu kami,” tandu iya.