KANOWIT: Tiga pintu bilik Rumah Ayong Unjan, Nanga Ngungun ditu dituntung penusah tanah tusur.

Siku ari sida serumah, Franky Ayong madah, penusah nyadi urung pukul 8.30 malam, benung sida serumah bela udah terenah.

“Kami serumah tekenyit ninga utai munyika runtuh tunga ujung bilik ngujungka bala lalu begau sereta ngesah kin.

“Kesal amat ati meda bilik mandi ba tiga pintu bilik kami serumah nyau nadai agi udah rarat ditabanka tanah tusur ke lebak kin,” ku iya nusui penusah ke nyadi.

Berebak enggau nya, palan Operasyen Bomba madah, penusah nya bepun ari ujan bangat ti enda ngetu mangka genturung pendiau dia.

“Piak Opis Bomba enggau Penyah Penusah (BBP) Kanowit nerima kanyau ari James Usak bekaul penusah nya urung pukul 9 malam tadi.