KUCHING: Sapit Kepala Menteri, Datuk Amar Douglas Uggah Embas muji pengawa dipejalai piak komiti rumah panjai ti nagang orang bukai tama ngagai genturung pendiau sida.

Ku iya, tu nunjuka peranak rumah panjai sedarka pangku pengawa sida empu nagang pengerekai igi penyakit Covid-19.

“Kebuah pia laban tebal agi rumah panjai jauh ari mengeri lalu penyakit berampit tu dibai orang luar.

“Kes positif dirikod ba Sarawak mega ditemu berampit lebuh orang nya ngulu pengawa ba luar Sarawak,” ku iya ba aum pemberita ditu, kemari.