SARATOK: Mensia mayuh ditu nyengkaum Roban enggau Kabong dipinta nitih peminta perintah bekaul enggau Atur Tagang Pejalai (PKP) dikena nyeliah dirampit penyakit Covid 19.

Ketuai Polis Saratok DSP Mordani Tanin madah, peranak tiga bengkah menua tu dipinta anang sesegau ngapa enti nadai kebuah ti berat.

“Titih aja gerah ari perintah ke minta rayat menua diau ba rumah dalam kandang empat belas (14) hari iya nya nyentuk 31 Mac tu,”

“Orang dagang mega meseti nutup palan dagang sida nitihka gerah ari Menteri Besai Tan Sri Muhyiddin Yassin tang bisi palan dagang diberi pemendar bejalai dagang sida enggau syarat meseti nitih ke atur ti udah di tetapka,”

Mordani madah munyi nya ngagai pemberita ba sebengkah pengawa ngempang jalai ba kilometer 54 Jalai Pan Borneo enda jauh ari Simpang Saratok ditu, kemari.