KUCHING: Akademi Serakup Dayak Iban Sarawak (Asadia) ngaga pemutus ngetuka dulu kelas main asal sida bepun ari penangi ngagai pengerekai COVID-19.

Ketuai Asadia Mabong Unggang madah, pemutus nya mega bepun ari sida bela nitihka tangkan Atur Nyekat Pejalai (PKP) ti udah digerah perintah sebedau tu.

“Asadia udah berandau sereta ngaga pemutus semua kelas main asal kami deka diketuka dulu,” pia ku iya maya berandau enggau pengarang berita, kemari.

Iya mega madah, enti nitihka tusun kelas, diatu enti nunda benung ngaga kelas Ajat Indu enggau Lelaki ba Indu Opis Sadia Kota Sentosa di Siburan.

“Kelimpah ari nya, kelas kuntau enggau betabuh mega enti nitigka diatur kitai belabuh ari minggu dudi empai lama.

“Pengawa kami ke belatih sebedau mantaika main asal nyerumba Rain Forest World Music Festival (RFWMF) pan diketu nambahka pengerami tu mega diketuka dulu ari ke diatur kena 10 ngagai 12 Julai deka datai,” pia ku iya madah.

Ketegal nya ku Mabong, sida bela napi pengerugi nyengkaum ari belanja laban palan alai belatih udah disuwa sebdau tu tang enda dikena.