KAPIT: Siku deriba motosikal bebadi nyawa ba penusah bebadi kediri di Jalai Melekun, Nanga Mujong, kena Hari Minggu tu tadi.

Ketuai Polis Pelilih Kapit DSP Freddy Bian Stanislaus Bian madah, niang Henry Lijau beumur 50 taun ari Rumah Tunjang, Nanga Usun Baleh ditu siku orang bumai.

“Penusah bebadi di jalai alun tu nyadi urung pukul 9.45 pagi lebuh iya ba rantau jalai nuju ke Pasar Kapit.

“Motosikal bansa Honda ditepan iya ensayar lalu iya ditukuka parai tekala nya,” ku iya meri penerang, ditu kemari.

Terang iya, tudah Lijau tu datai ari Mujong tang motosikal iya ensayar ngujungka iya tepelanting ke tisi jalai,” tandu iya.

Ku Bian, ken nya dikategori di baruh Seksyen 41(1) Akta Pengangkutan Jalan 1987.