KUCHING: Siku lelaki putus dua jari kanan ketegal dipantap siku lelaki ngena ilang ba rumah iya semak Kampung Bogag Bau, pagi tadi.

Ketuai Polis Pelilih Bau DSP Poge Nyaon madah, penusah nyadi lebuh lelaki beumur 40 taun enggau siku bakih iya berandau ba rumah urung pukul 10.05 pagi.

Kenu ku Poge, saspek datai enggau ati ngeransi sereta bebaika ilang lalu manjung nuju siku ari seduai ke bisi dia.

“Saspek enda chechamang miauka ilang ba jari iya ngagai lelaki nya lalu tekenaka jari kiba, pala enggau dada.

“Abi pantap ba jari kiba, dada enggau pala seraya jari lumur dua enggau tiga muakka kanan putus,” terang Poge ba sebengkah penerang tadi.

Iya madah, bini lelaki ke bakal, beumur 35 taun, mega bisi bakal ba dada ketegal penusah nya.

BUKTI… Duku ilang enggau bekau darah ditemu ba endur penusah nyadi