KUCHING: Klinik Respiratory benung bejalaika operasyen sida ba Stadium Perpaduan, Petra Jaya ditu.

Sapit Kepala Menteri ti mega nyadi chairman Komiti Penyangga Penusah Ngenyit Nengeri (JPBN), Datuk Amar Douglas Uggah Embas, madahka perengkaguna ke bisi dia semina diungkup ngagai sida ke bisi tabin, batuk tauka sendat seput aja.

“Sida ke bisi penanggul baka tu enda tau bisi kaul enggau sida ke dipelaba (PUI) Covid-19 tauka sida ke begulai enggau PUI.

“Tuju klinik tu ditumbuh dikena mutarka penyekut ba sepital besai perintah,” terang iya.

Uggah madah munyi nya pengudah ngabas palan nya di Stadium Perpaduan ditu, tadi.