SIBU: Mensia mayuh ke deka ngambi ubat ba Sepital Sibu tau ngena servis farmasi drive thru tauka ngambi ba pos opis berengkah ari seharitu.

Ketuai Opis Farmasi Pesakit Luar Sepital Sibu, Harry Chua Kheng Sin, madah, piak sida bejalaika chara tu dikena nagang pengerekai igi penyakit Covid-19.

“Ngena chara tu, kitai ulih nyeliahka mensia mayuh datai bebala mayuh lebuh ngambi ubat sida.

“Berebak enggau nya, chara ngambi ubat tu mega ulih ngelimat jam lalu sida ulih terus pulai ke rumah pengudah ngambi ubat seriris enggau Atur Nagang Pejalai (PKP) diteritka ba menua tu,” ku iya.

Penerang silik tauka tanya bukai, mensia mayuh tau telefon ngagai Huong Ching Yeu tauka Chieng Leh Siek ba Sepital Sibu ba lumur 084-343333 ext 1177 maya jam opis gawa berengkah ari pukul 8 pagi nyentuk 5 lemai, enda nyengkaum kemisi enggau ujung minggu.