KUCHING: Perintah Sarawak berunding deka numbuhka Klinik Respiratory ke sama ba mengeri besai baka Sibu, Miri enggau Bintulu.

Menteri Pengawa Berumah enggau Kaunsil Kandang Menua Datuk Seri Sim Kui Hian madahka pekara nya patut ditumbuhka ba mengeri besai ngambika ulih ngurangka penyekut ba sepital perintah.

“Kitai ngepunka dulu ba ditu, lalu kitai deka beratika bakani pejalai klinik tu,” ku iya.

Kui Hian madah munyi nya pengudah ngulu Sapit Kepala Menteri ti mega nyadi chairman Komiti Penyangga Penusah Ngenyit Nengeri (JPBN) Datuk Amar Douglas Uggah Embas ngabas Klinik Respiratory di Stadium Perpaduan,Petra Jaya ditu, tadi.