KUCHING: Siti pakej peransang ekonomi mungkur semua rayat menua tu deka dibantai Hari Lima tu.

Menteri Besai Tan Sei Muhyiddin Yassin madah, pemesai ba Opis Wang diatu benung kiruh nyendiaka siti pakej ti deka meri penguntung ngagai rayat.

“Pakej tu nyengkaum deriba teksi, grab, sida ke betanam betupi, restoran, orang bedaja, pengereja gaji hari enggau sida ke kena empas pemanjai PKP,” ku iya ba aum pemberita di Kuala Lumpur, ditu tadi.

Ku Muhyiddin, nya endang nyadi tanggungpengawa iya ke nyadi Menteri Besai nyaga pengelantang rayat ba menua tu.

Kelimpah ari nya, siti inisiatif nangguh mayar pinjau bank nyentuk enam bulan sereta nusun baru bayar kad kredit enggau pinjau korporat udah dibantaika iya tadi.

Berebak enggau nya, iya meransang sida ke gawa ba luan baka bala polis, misi enggau staf sepital seruran kering ati pemanjai timpuh nya kelebih agi nagang pengerekai igi penyakit Covid-19 ukai pekara ti muntang.