LUBOK ANTU: Raban gawa ba luan mangku pengawa beguna amat kelebih agi lebuh menua tu napi penusah besai baka neritka Atur Nagang Pejalai (PKP) ditu.

Menteri Muda Industri enggau Beranakka Puku ti mega Kaban Kunsil Nengeri (Adun) Batang Ai, Malcolm Mussen Lamoh madahka jasa sida tu chukup besai lalu nadai ulih dibalas ngena wang ringgit.

Berindik ari nya, Malcolm udah nyuaka sekeda pemeri dikena ngenang pemanah budi enggau pengiruh sida gawa nyaga pengelikun enggau pengelantang menua.

Iya ngarapka bantu tu ulih meri peransang enggau meri semengat ngagai sida ke udah lelak gawa sekumbang PKP dipejalai.

UNGKUP KITA… Kaunsilor Larkin Gol enggau Tuai Rumah Ganing Alik nyuaka bantu ngagai Opis Rela Pelilih Lubok Antu. 

 

BESAI JASA… Kaunsilor Larkin Gol, Pengajar Tubau enggau Edwin Jole nyuaka bantu ngagai Tuan Abdul Samat, Ketuai Polis Pelilih Lubok Antu.