SIBU: Beratika penusah ke benung ditapi rayat ba Kunsil Nengeri (Dun) Nangka ketegal pengerekai Covid-19, Menteri Muda Peajar, Sains enggau Pansik Teknologi Dr Annuar Rapee datai enggau inisiatif kediri nyendiaka Food Basket Covid-19.

Iya ti mega pengari rayat dia ngepunka bantu barang pemakai nya nganjung ngagai 34 buah rumah panjai berengkah ari kilah ensana.

Penerang ari laman Facebook Dr Annuar madahka bantu ke sebaka deka dipejalaika baru kena 28 Mach ungkup ngagai raban seranta ba Dun Nangka.

“Kenaka Hari Enam tu, semua pati Parti Pesaka Bumiputera (PBB) Dun Nangka deka nganjung bantu Food Basket COVID-19 ngagai 998 iku penerima,” pia ku iya madah nengah FB iya, ensana.

Iya mega madah, bantu nya enda ulih seretai dianjung ketegal diatu menua benung neritka Atur Pejalai Betagang (PKP).

“Minta ampun laban (rayat Dun Nangka) nyau nganti dulu ketegal gaya ke nyadi diatu enda ngemendarka (tubuh) kelalu mayuh,” ku iya madah baru.