PUTRAJAYA: Semua servis perengka pengangkut darat semina dikemendar bejalai entara pukul 6 pagi nyentuk 10 malam nyengkaum servis e-hailing enggau teksi.

Menteri Kanan (Kluster Pengelikun) Datuk Seri Ismail Sabri Yaakob madah, semua entukar nya semina dikemendar ngundan siku aja orang di dalam semadi bisi penusah ke enda ulih diseliah.

Ungkup perengka pengangkut ngundan barang baka mai barang pemakai enggau ubat, Ismail Sabri madah sida ulih beoperasyen berengkah ari 7 malam nyentuk 7 pagi.

“Bisi sekeda begunaka timpuh lama beoperasyen, engka ari Johor Bahru ngagai Perlis, pengawa nya enda ulih tembu, nya kebuah kitai besetuju ngemendarka sida taja kami ngasuh beoperasyen nitihka jam nya,” ku iya.

Ismail mansutka jaku nya ba aum pemberita pengudah aum Komiti Khas Menteri-menteri pasal PKP, ditu kemari.

Berebak enggau iya, iya madah sekumbang renggat kedua PKP tu, semua palan enda dikemendar endur belepa enda ngira palan besai tauka rumah diri taja bisi bepagar.

“Kitai enda ngira endur nya bisi pagai tauka enda laban udang-undang kitai sama, nyengkaum semua enda ngira bida ari sukut neritka atur.

“Tang, kitai bisi nginsur atur tu ngagai raban autism enggau Orang Nyelai Pendiau (OKU) ngambika pengerai pulai baka selama baka dipadahka pakar.

“Taja pia, kitai nagang pengawa begelumur taja pengawa nya diguna ba luar,” ku iya.

Ngelansa pengawa ba rumah sembiang, ismail Sabri madahka semua aktiviti enda dikemendar sekumbang timpuh PKP tu, baka sebedau tu nyengkaum sembiang solat enggau sembiang Hari Lima.