SAMARAHAN: Siku lelaki peranak Thailand ti diripotka labuh ari bot ba Palan Penyangkai Kapal Kaunsil Pemansang Ikan Malaysia (LKIM) Tanjung Bako kena Hari Satu tu tadi udah ditemu parai lemas, ditu tadi.

Nitihka penerang ari pengari Palan Operasyen Bomba Sarawak, bangkai niang Akson Daengprasert, 40 taun ditemu orang berikan urung 7.30 pagi tadi lalu dipadah iya ngagai piak bomba.

“Bangkai niang tu ditemu iya urung 100 meter ari Palan Pematau Bomba,” ku iya meri penerang, ditu tadi

Terang iya, bangkai nya udah dibai bomba ngagai palan penyangkai kapal enggau dikelala pengaji sereta kru.

Udah nya, sida madahka bangkai nya endang lelaki peranak Thailand ke digiga sida.