LIMBANG: Siku nembiak lelaki ari menua Brunei diripot tesat ba kampung belakang rumah iya ba Kampung Berawan kena Hari Dua tu tadi udah mulaika diri empu ke rumah tadi.

Penulung Direktor Bagi Pengawa Operasyen Bomba enggau Penyah Penusah Nengeri, Tiong Ling Hii madah, Mohd. Alizam Ali Safari, 14 taun, udah pulai ke rumah urung pukul 08.31 malam.

“Nembiak lelaki nya udah ditukuka polis pulai ke rumah, nadai apa nama,” ku iya ba sebengkah penerang.

Ling Hii madah, bepelasarka penerang ari sida sebilik, nembiak lelaki nya lenyau pengudah madahka diri kelalu puas diau ba rumah ngagai indai iya.

“Iya udah nya nurun ke kampung ujung bilik sida urung pukul 9 pagi, mai duku lalu dititihka ukui.

“Taja pia, semina ukui iya aja bisi dipeda pulai ke rumah lebuh lemai hari,” terang Ling Hii.

Iya mega madahka nembiak lelaki diripot nadai apa nama sereta gerai baka selama.

“Operasyen ngiga udah diketu pukul 08.33 malam,” ku iya.