KUCHING: Opis Bomba enggau Penyah Penusah Malaysia (JBPM) Sarawak nerima Kereban Nyaga Diri (PPE), ditu tadi.

Pia mega, PPE tu diberi Serakup Komuniti China Bagi Menua Kuching, Samarahan enggau Serian sereta Serikat Home Max.

Sepenyampau 2,000 sarung jari, 400 sengkabung mua, 500 baju ujan, 50 kutak ai mineral enggau dua butul hand sanitizer.

Direktor Home Max, Gary Ong madah, PPE tu beguna amat ungkup dikena raban gawa ba luan lebuh sida gawa nagang pengerekai igi penyakit Covid-19.

Ku Gary, mensia mayuh mega ulih bejalaika tanggungpengawa sida meri utai diguna raban gawa ba luan.

Nangkan nya, Penulung Direktor Operasyen JBPM Sarawak, Tiong Ling Hii meri besai terima kasih ke pemeri PPE nya.

Ku Ling Hii, sida berasai untung amat laban bisi piak udah gerah jari nyuaka pemeri PPE nya ngagai sida ngambi ngemuntangka pengawa.