KUCHING: Sarawak ngerikod 15 kes baru positif Covid-19 lalu ngujungka bisi 288 kes positif kenyau kes keterubah diripot kena 13 March 2020.

Mandal Chairman Komiti Penyangga Penusah Ngenyit Nengeri (JPBN) Datuk Abdul Karim Rahman Hamzah madahka ari penyampau kes nya, 14 kes diperubat di Sepital Besai Sarawak (SGH) lalu siti kes di Sepital Miri.

“Kelimpah ari nya, bisi 92 kes baru orang dipelaba dirampit (PUI) Covid-19 diripot kemari (7 April) ngujungka bisi 1,797 kes PUI dirikod ba menua tu.

“Ari penyampau nya, bisi 1,409 kes udah ditemu negatif lalu 100 kes PUI agi nganti pemutus ari makmal,” ku iya.

Abdul Karim madah munyi nya ba aum pemberita di Wisma Bapa Malaysia ditu, tadi.