KUCHING: Komiti Penyangga Penusah Ngenyit Nengeri (JPBN) deka seruran ngemataka status kilang ba Zon Industri Bebas (FTZ) di Samajaya.

Menteri Muda Dagang Entarabansa enggau Industri, Terminal enggau Pemansang Orang Dagang Datuk Naroden Majais madahka naka ke diatu nadai penanggul kompeni kilang bekaul di Samajaya enda nitihka atur ditetapka Perintah Sarawak.

“Naka ke diatu, genap kompeni kilang bekaul di Samajaya meri kerejasama sekumbang timpuh Atur Tagang Pejalai (PKP) diterit ba menua tu lalu nadai kes pengerekai igi penyakit Covid-19 nyadi diripot sida.

“Taja pia, enti bisi kebuah ti patut ngasuh kompeni kilang nya ditutup sekumbang PKP, JPBN enggau opis menteri aku deka bejalaika atur ti patut ngagai sida,” ku iya madah ba siti penerang, tadi.