Lelaki ti lenyau ngetan pukat ditemu parai

MIRI: Siku lelaki ti dipelaba lenyau pengudah perau iya ditemu peranak ba Lubuk Amam, Sungai Baram, Marudi anyut kena Hari Tiga tu tadi ditemu parai lemai tengahari kemari.

Nitihka pengari Opis Bomba enggau Penyah Penusah Sarawak, bangkai Albert Gunai Dadom, 64 taun mujur ditemu peranak dia urung pukul 12.50 tengahari, kemari.

“Bangkai iya ditemu melepu urung lapan kilometer penyauh ari Nanga Sungai Ridan, Baram ke alai iya endur iya dipelaba labuh.

“Tubuh niang udah dibai ngagai Pangkalan Ridan, udah nya dianjung ngagai piak polis enggau atur bukai,” ku iya meri penerang, ditu kemari.

Hari Dua tu tadi, niang nurun ngetan pukat enggau dipelaba lenyau pengudah perau dikena iya dipeda peranak dia anyut.

Nitihka penerang, semua barang niang tu ditemu agi mengkang dalam perau nya ngujungka anak iya ngaga ripot polis kena Hari Tiga tu tadi.

Suara Sarawak