Semua muzium ditutup sementara

KUCHING: Semua muzium perintah ke dikuasa Opis Muzium Sarawak deka ditutup sementara nyentuk 28 April tu.

Nitihka penerang berita ari Muzium Sarawak, pengawa nutup muzium nya berindik ari pengawa ngemeratka pengerai mensia mayuh sereta nagang pengerekai igi penyakit Covid-19.

Entara muzium ti deka ditutup enda lama nyengkaum Muzium Sejarah Semulajadi, Kuching; Muzium lslam Sarawak, Kuching; Muzium Sejarah China, Kuching; Muzium Tekstil Sarawak, Kuching; Muzium Warisan Sri Aman (Kubu Alice) enggau Muzium Wilayah Limbang.

Piak Opis Muzium Sarawak mega minta kerejasama ari semua piak ngambika ulih mutuska pengerekai igi penyakit nya.

Apin lama ti udah, Menteri Besai Tan Sri Muhyiddin Yassin udah mantaika PKP dilanjarka nyentuk 28 April tu.

Berebak enggau nya, Kepala Menteri Datuk Patinggi Abang Johari Tun Openg mega mandangka Perintah Sarawak nitihka atur ke udah ditetapka nya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak