Siku nembiak umur 7 taun dipelaba lemas ba Sg Ngemah

KANOWIT: Siku nembiak lelaki beumur tujuh taun dipelaba lemas pengudah lenyau lebuh mandi ba Sungai Ngemah di Skim Pengentap Baru Nanga Jagau, ditu lemai kemari (Hari Empat).

Ketuai Balai Bomba enggau Penyah Penusah Pelilih Kanowit, Arrahman Chik madahka penusah tu nyadi urung pukul 4.30 lemai.

Ku Arrahman, nembiak tu benama Nekson Dana Raimond ari Rumah Unau Mou ba Skim Pengentap Baru Nanga Jagau benung mandi ba sungai enggau aki ini iya.

“Lebuh ini iya deka niki ngerasukka baju, jari Dana tebelengka pegai ini iya ngujungka tudah tu anyut dibai arus deras.

Arrahman madah, kena pukul 5 lemai kemari, tiga buah perau dikena ngiga tudah Dana nyentuk pukul 7 malam tadi tang apin ditemu.

Naka berita ditulis sida serumah enggau piak bomba agi benung ngiga tudah Dana.

Suara Sarawak