MIRI: Rega manuk nadai niki nyerumba musim pengerami tu, pia ku Ketuai Pampang Opis Menteri Dagang Dalam Menua enggau Pekara Penguna (KPDNHEP) Miri, Joe Azmi Jamil.

Joe ngenukuka pekara nya pengudah matau Skim Rega Maksimum Musim Pengerami Hari Raya Aidilfitri 2020 ba makit basa di Emart Tudan, ditu ensanus.

Ku iya, sida meresa rega nya pengudah nerima berita bekaul pedagang bisi nikika rega manuk ba Semenanjung Malaysia.

“Tang lebuh kami meresa manuk ditu, pedagang ditu nadai nikika rega manuk nitihka rega ditetapka KPDNHEP.

“Bisi sekeda pedagang nyual manuk tu jauh murah ari rega ti ditetap,” terang iya

Pia mega, Joe ngingatka bala pemeli enda meli manuk ngelui ari ke patut laban bekal manuk dijamin chukup maya pengerami tu.

Berebak enggau nya, Joe madahka bisi semina barang dipatau dalam Skim Rega Maksimum Musim Pengerami Hari Raya Aidilfitri diterit bepun 20 Mei ngagai 3 June tu.