KUCHING: Gempung Parti Sarawak (GPS) sekali agi nandu penerang pasal sukung Menteri Besai, Tan Sri Muhyiddin Yassin nyadi Menteri Besai Malaysia ke pemaik menua sereta ngenegapka Perintah Besai.

Sekretari Besai GPS, Datuk Alexander Nanta Linggi madah, pemereti bekaul pekara tu mega beguna ngambi atur pengawa perintah bejalai enggau lanchar.

“GPS diatu bakih kunsi dalam Perintah Besai (diatu dipegai Perikatan Nasional-PN).

“Kebuah pia laban GPS deka nyaga enggau negika hak Sarawak di baruh Konstitusyen Perintah Besai, Sempekat Malaysia 1963 (MA63) enggau Ripot Komiti Entara Perintah (GLC),” ku iya meri penerang, ditu kemari.

Penerang nya dikeluarka iya pengudah aum Kaunsil Supreme GPS ti diketuaika Kepala Menteri Datuk Patinggi Abang Johari Tun Openg ba Wisma Bapa Malaysia, ditu kemari.