SERIAN: Parti Pesaka Bumiputera Bersatu (PBB) deka bediri minta pilih ba sitak Bepilih Kunsil Nengeri (Dun) Mambong maya Pengawa Bepilih Nengeri Ke-12 (PRN12) deka datai.

Nya alai, parti Gempung Parti Sarawak (GPS) deka bediri minta pilih ba enam penuduk majoriti Bidayuh iya nya Tebedu, Tarat, Kedup, Bukit Semuja, Serembu enggau Mambong.

Nya kebuah, Sapit Presiden Kanan PBB Dato Sri Michael Manyin Jawong andalka parti nya ulih menang ba semua konstitusyen nya.

“PBB diatu bisi penuduk ba Tebedu, Tarat, Kedup, Bukit Semuja, Serembu enggau Mambong.

“Nya alai, aku bisi amat pengandal kami ulih menang ba sitak Mambong,” ku Manyin.

Manyin mansutka jaku nya lebuh dirandau pemberita lebuh nyempulang pejalai Menteri Dagang Dalam Menua enggau Pekara Penguna (KPDNHEP) Datuk Alexander Nanta Linggi bejalai matau enggau ngabas Makit Basah Serian, ditu tadi.