KUCHING: Sarawak ngerikod tiga kes baru positif Covid-19, kemari lalu ngujungka kes positif ba nengeri tu bisi 552 kes.

Sapit Kepala Menteri ti mega nyadi Chairman Komiti Penyangga Penusah Ngenyit Nengeri Sarawak (JPBNS) Datuk Amar Douglas Uggah Embas madahka ari tiga kes nya, dua kes ari Kuching lalu siti di Samarahan.

“Tiga kes tu asil ari pengawa nyidi kaul semak di pelilih Kuching enggau Samarahan,” ku iya.

Ngelansa bekaul enggau kes positif di Samarahan, Uggah madahka kes nya bisi kaul enggau kes positif ke ditemu di Tanjung Manis apin lama ke udah.

“Kes positif di Samarahan nya ditemu bisi kau enggau kes positif ti nyadi ngagai nembiak ari Kolej i-System di Tanjung Manis.

“Kami dipadahka sebedau nembiak nya mulaika diri ngagai Tanjung Manis, iya bisi nemuai ngagai rumah bakih iya di Samarahan,” ku iya nerang.

Uggah madah munyi nya ba aum pemberita di Begunan Dun Lama ditu tadi.