Aum Dewan Rakyat diubah

KUALA LUMPUR: Perintah Besai ngaga pemutus Aum Keterubah Penggal Ketiga bagi Parlimen Ke-14 ti deka diatur sehari kena 18 Mei tu diubah.

Yang Di-Pertua Dewan Rakyat, Tan Sri Mohamad Ariff Md Yusof madah, iya udah nerima surat gerah disain Menteri Besai Malaysia ti mega Ketuai Aum ngubah aum keterubah ketegal pandemik Covid-19.

Ku Mohamad Ariff, aum keterubah tu diubah ketegal menua bedau likun endur baum berindik ari penusah besai ke nuntung menua tu jam diatu.

Pia mega, ubah tu nitihka Peraturan 11 (2) enggau 15 (2) Peraturan- Peraturan Majlis Mesyuarat Dewan Rakyat.

Nya alai ku Mohamad Ariff, YBrs. Riduan Rahmat deka ngeluarka Notis Baru Aum Dewan Rakyat bagi Aum Keterubah, Penggal Ketiga, Parlimen Ke-14 taun 2020 ngagai semua ahli dewan.

Suara Sarawak