Penemu ketuai PSB enda baka suba

DEBAK: Ketuai Parti Sarawak Bersatu (PSB) ti ngumbai Projek Jalai Besai Kedua nya masau belanja enggau enda meri mayuh pemaik endang buah penemu ke agi pabu.

Adun Saribas Mohammad Razi Sitam madahka penemu sida nya udah lain enda baka sida begulai enggau blok perintah suba.

“Suba, sida suah minta ngaga mayuh projek jalai ngambi ulih ngemuntangka peranak menua pesisir mindah ke bukai.

“Tang diatu sida ngumbai Projek Jalai Besai Kedua nya masau belanja taja pan projek nya deka meri pangka besai di menua tu.

“Engka amat utai dipadahka Kepala Menteri Kelima, niang Pehin Seri Adenan Satem, ‘bisi mata tang enda meda’,” ku iya nyemetak madah ngagai Suara Sarawak, ditu tadi.

Suara Sarawak