KUCHING: Tambang bilun mar berindik ari Atur Tagang Pejalai (PKP) ti natak penyampau tubuh penumpang.

Menteri Dagang Temuai, Seni enggau Main Asal Datuk Abdul Karim Rahman Hamzah madah, sida endang beratika penanggul ditapi rayat berindik ari tambang ditiki diatu.

Ku iya, ambika chunto pejalai sekali aja ari Kuching ke Kuala Lumpur nyau deka manggai RM2,000.

“Enti sebedau PKP, bilun ulih mai 100 peratus penumpang tang lebuh PKP, semina 60 peratus aja ulih laban nyaga takah enggau pangan diri.

“Nya kebuah bala operator nikika rega tambang bilun baka ke dipeda kitai diatu,” ku iya.
“Nya alai ngarapka tambang bilun deka nurun nitihka peminta mensia mayuh,” ku iya nyaut pandak.