KUCHING: Nadai kes positif Covid-19 dirikod ba Sarawak sehari tu.

Sekretariat Komiti Penyangga Penusah Ngenyit Nengeri Sarawak (JPBNS) madah, kes positif ba nengeri tu mengkang 556 kes.

Kelimpah ari nya, JPBNS madahka siti kes baru udah suman lalu dikemendar pansut ari Sepital Besai Sarawak (SGH) tadi.

Nya lalu ngujungka bisi 526 iku tauka 94.60 peratus sida ke positif sebedau tu udah dikemendar pulai sereta suman.

Nangkan nya, JPBNS madahka bisi 18 iku Pesakit Agi Dipatau (PUI) kemari lalu tujuh agi nganti pemutus ari makmal.