PONTIANAK: Sebuah kapal ngundan barang ari Pontianak nuju Ketapang karam ba kandang tasik Sukadana, Kabupaten Kayong Utara, Indonesia kena 12 June (Hari Lima) tu tadi.

Palan penusah tu nyadi urung tiga batu penyauh ari Pulau Juante. Taja pia, bekau ari penusah nya nadai orang diripotka bebadi nyawa. Kebuah penusah nyadi diripotka bepun ari tisi kapal ti bisi bumbus.

Penyampau mensia ke bisi dalam kapal maya penusah nyadi bisi lima. Sebedau penusah nyadi, kapal nya diripotka bisi sangkai ba Pengkalan Orang Berikan Teluk Batang, Kabupaten Kayong Utara sebedau ke belayar.