MIRI: Enam lelaki dipelaba raban ke chakah ngerungkai rumah enggau enchuri kenyau ari bulan Januari tu tadi udah mujur ditangkap polis, sehari tu.

Semua saspek mujur ditangkap ba empat bengkah endur maya polis datai mesur ba Permy Phase 6 dikereja tumu pagi bala raban polis ari Opis Pemansik Penyalah (JSJ) Miri.

Rambau operasyen nya tetemuka sekeda perengka kes baka injin rumput nyengkaum motosikal ke bisi diripot lenyau.

Nitih penerang, asil ari pengawa nangkap sida tu, polis mujur mutarka enam kes ke bisi diripot nyengkaum kes enchuri motosikal.

Dulu ari nya, ripot ke pemadu baru pasal kes bekaul diterima kes 15 June tu tadi.