MATU: Jereki nyerumba Hari Apai, Ajan Nanta,67, betuah amat bulih mayuh pari sehari tu.

Ku Ajan, pengidup berikan di tasik endang siti ari jalai begiga ke duit dikena nyengulaka bala anak.

“Sehari tu Hari Apai, lalu aku bulih rejeki ke manah bulih mayuh amat ikan pari”.

“Tekenang ke maya suba, tu meh dikena aku melanja bala anak ke besekula iya nya bejual bemacham ikan nyengkaum ikan pari,” ku iya madah lebuh ke dirandau pengarang berita.

Nangkan ke nya, Ajan besai bendar pengarap nengah Hari Apai tu ulih ngerapat ke kaul diri sebilik.

“Apai endang tuai bilik lalu nyadi orang ke matak tuju kuing ruang bilik nya alai aku ba aku Hari Apai tu besai bendar reti,” ku iya.