KUCHING: Kaunsil Pemansang Rama (MPS) ngaga siti langkar kereja dikena mutar penanggul penyeranta mengeri di Sarawak.

Menteri Pengintu Pengelantang Pendiau, Komuniti, Orang Indu enggau Pemansang Anak Mit (KWKPK) Datuk Seri Fatimah Abdullah madahka langkar kereja nya dikena ngemuntangka pengawa sida nyidi lalu mantaika statistik baru bekaul enggau rayat ti seranta mengeri ba nengeri tu.

“Penanggul ke ditapi ari penyeranta mengeri tu, kitai nadai statistik ti betul sereta pansik dipejalai di Sarawak dikena meretika penanggul seranta tu.

“Nya alai, MPS ngelangkar sekeda strategi sereta fokus dikena ngatur penanggul penyeranta ba mengeri tu,” ku iya.

Fatimah madah munyi nya ba aum pemberita pengudah ngulu aum zoom MPS pasal penanggul penyeranta mengeri ti Sarawak di Begunan Baitul Makmur ditu, tadi.