KUCHING: Komiti Nembiak Parti Pesaka Bumiputera Bersatu (PBB) Satok udah nyikap diri dikena napi Pengawa Bepilih Nengeri (PRN) Ke-12.

Ketuai Nembiak iya, Kaunselor Dzamaluddin Zainudin madahka bisi dua fokus besai dikena sida nyikap diri napi PRN12 ti disadang deka diatur sebarang maya.

“Keterubah iya, kami deka ngatur Program Santai Pemuda Satok begulai enggau raban komiti (AJK) pati di Satok berengkah ba bulan Julai tu.

“Tu deka dipejalai ninting bukan dikena ngerapatka kaul enggau nembiak sereta pemuda kelebih agi di Satok lalu tu mega sebagi ari program ti udah diatur kami kenyau ari taun 2017,” ku iya lebuh dirandau Suara Sarawak, sehari tu tadi.