Kelas online di Sarawak bedau engkeman

KUCHING: Pengawa belajar tauka kelas chara online ungkup nembiak ke nadai napi peresa perintah nyengkaum sekula primari bedau engkeman dipejalai ba Sarawak.

Menteri Pelajar, Sains enggau Pansik Teknologi, Datuk Sri Micheal Manyin Jawong madah, kebuah pia laban lebih ari 50 peratus nembiak nya nadai perengka guna arus penyambung.

“Penanggul keterubah ditapi nembiak Sarawak iya nya sekeda apai indai sida enda ulih tebelika telefon pintar ngagai bala anak taja diau ba mengeri.

“Penanggul kedua iya nya nadai arus penyambung kelebih agi bala nembiak ba kandang menua pesisir,” terang iya.
Manyin mansutka jaku nya ba aum pemberita bekaul sekula ba Sarawak deka dibuka baru di Begunan Baitulmakmur, ditu tadi.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak