Kluster Diri Sebilik nambah siti kes baru di Bintulu

KUCHING: Siti kes baru Covid-19 dirikod nyadi di Sarawak, seharitu.

Sapit Kepala Menteri ti mega nyadi Chairman Komiti Penyangga Penusah Ngenyit Nengeri (JPBNS) Datuk Amar Douglas Uggah Embas madah, kes baru nya diripot ari Bintulu.

Ku iya, kes baru tu nyadi ngagai orang sebilik enggau kes Ke-557 lalu dikategori nyadi Kluster Diri Sebilik.

“Tu lalu ngujungka kes positif Covid-19 ba nengeri tu nambah ngagai 561 kes.

“Kes positif tu ditemu berindik ari operasyen ngiga kaul semak ngagai kes positif sebedau tu,” ju iya.

Uggah madah munyi nya ba aum pemberita Covid-19 di Begunan Dun Lama ditu, tadi.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak