Seminggu nadai kes positif baru

KUCHING: Sarawak sekali agi mujur nadai ngerikodka kes positif Covid-19 pengelama seminggu, kemari lalu kes positif ba nengeri tu mengkang 552 kes.

Sapit Kepala Menteri ti mega nyadi Chairman Komiti Penyangga Penusah Ngenyit Nengeri Sarawak (JPBNS) Datuk Amar Douglas Uggah Embas madahka taja Sarawak udah tujuh hari nadai ngerikodka kes baru positif Covid-19, tang rayat anang ilap tauka andal tang meseti seruran bejaga ngambika ulih mutuska rentayan pengerekai Covid-19 tu.

“Aku minta semua rayat Sarawak mengkang bekerejasama baka ke udah digaga kitai sebedau tu ngambika ulih mutuska rentayan pengerekai igi penyakit tu,” ku iya.

Uggah madah munyi nya ba aum pemberita bekaul enggau Covid-19 di Begunan Dun Lama ditu tadi.

Suara Sarawak