Sinu 24 pintu peranak Rh Eloh lenyau keresa tengkira

BINTULU: Penusah ke nuntung 24 pintu peranak rumah Rh Eloh ditu, ngalihari tadi chukup ngenyinuka ati sempama baka ‘karam di darat’ laban lenyau semua keresa tengkira dalam rumah.

Kepala Opis Bomba enggau Penyah Penusah Bintulu, Christus Buson madah, rumah panjai Rh Eloh ba Kampung Banjai, Sungai Segan di Ulu Sebauh ditu ditinggang penusah angus nya, urung pukul 2.31 ngalih hari tadi.

“Urung 90 peratus rumah panjai nya udah angus maya raban bomba datai ngesah,” ku iya.

Christus mansut ke jaku nya ba siti penerang berita, ditu tadi.

Ku iya, raban bomba terus berumban ngesah rumah panjai nya sepengudah sida ke nerima berita pasal penusah nya.

“Pemesai kandang rumah panjai nya mungkur 400 kaki X 200 kaki diempa api,” ku iya.

Berebak enggau nya, nadai penusah bakal tauka bebadi nyawa diripot bekau ari penusah nya lalu penyampau pengerugi enggau kebuah angus nyadi agi dipansik.

SINU… Semina tinggal tiang sepengudah api ke nganguska rumah panjai abis dirara.

Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak